我作為一個酸類產品愛好者,見到呢個牌子嘅面霜即刻買嚟試試,因為市面上有乙醇酸嘅面霜少之又少。
用後感受:
我屬於典型油性肌膚,晚上會用其他酸類產品去角質,呢罐面霜含有5%以下乙醇酸,對於角質偏厚嘅我嚟講係好吸引,因為乙醇酸含量溫和,配方唔算太刺激。有暗粒地方厚塗一晚會好快凋謝,原先發炎嘅暗瘡都受控。最欣賞嘅係用完毛孔會明顯收細,但不太控油。
香氣:
淡淡嘅花香味,但略嫌香精太甜,可以用啲天然木香精油較好。敏感性肌膚嘅朋友要斟酌使用,希望可以出無香料版。
質感:
乳霜狀、粉末狀。
適用肌膚:
混合性油性及油性肌膚。因為始終乙醇酸係分子較大嘅AHA,容易留喺肌膚上,對角質較厚嘅朋友係適合啲,用於去除老舊角質、收細毛孔、改善暗啞、控制粉刺增生有顯著功效。
使用建議:
最好晚上用,因為用完酸類產品而無利用任何防曬產品,塊面係會對陽光敏感而起紅印㗎。
使用前要用低刺激性toner再作二次清潔,如果你皮膚較油/ 唔怕刺痛感,可以喺成日出油同生暗瘡嘅地方厚塗,不過要塗抹均勻啲,呢罐嘢搽完會形成一層粉末,相信係for改善油光、平滑肌膚(但花時間推勻啲面霜都幾嘥時間😅)
適用季節:
夏天用比較好,因為呢罐嘢唔保濕,可以按需要再用啲保濕產品。